We are confident in very successful future in the Black Sea
ღირსებით წინსვლა ნებისმიერ ვითარებაში
2020 წლის 18 ოქტომბერს სანაოსნო კომპანიამ „უკრფერი“ დაარსებიდან 25 წლის იუბილე აღნიშნა. სამწუხაროდ, პანდემიამ კომპანიას არ მისცა დაგეგმილი სადღესასწაულო ღონისძიებების ჩატარების საშუალება, მაგრამ ეს თარიღი უდავოდ შევა ოდესისა და უკრაინის საზღვაო ინდუსტრიის ისტორიაში.
გემთმიმოსვლა, ისევე როგორც საპორტო საქმიანობა, ოდესის რეგიონის ერთ-ერთი საბაზო, ძირითადი დარგია. შავი ზღვის საზღვაო სანაოსნოს დაშლის შემდეგ, ოდესისთვის ტრადიციულმა ამ ბიზნესის სფერომ განიცადა ხანგრძლივი და მტკივნეული გარდაქმნების პროცესი, რომელიც დღემდე გრძელდება. დამოუკიდებელ უკრაინაში ობიექტური და სუბიექტური მიზეზების გამო, გემთმიმოსვლა არ იყო პრიორიტეტი და უცხოურმა კომპანიებმა სწრაფად დაიკავეს ლომის წილი უკრაინის საზღვაო გადაზიდვების ბაზარზე. ისინი ასევე გახდნენ ახალი დამსაქმებლები ათიათასობით უკრაინელი მეზღვაურისთვის. როგორც ბევრნი არცთუ უსაფუძვლოდ თვლიან, უკრაინა საზღვაო სახელმწიფოების უმაღლესი ლიგიდან, განვითარებული მრავალდარგოვანი საზღვაო-სამეურნეო კომპლექსიდან, შეუფერხებლად გადავიდა ზღვასთან არსებული ქვეყნების „მეორე ლიგაში“. დღეს უკრაინის თითქმის მთელი საგარეო ვაჭრობა, ფართო მოხმარების საქონლით დატვირთული კონტეინერებიდან დაწყებული მარცვლეულით, ლითონითა და მადნით დამთავრებული, ტრანსპორტირდება უცხოური გემთმფლობელების გემებით.
მაგრამ არსებობს იშვიათი გამონაკლისებიც. ერთ-ერთი მათგანია საბორნე გადაზიდვების სექტორი. სანაოსნო კომპანია „უკრფერი“-ს მიერ ოდესაში ზუსტად 25 წლის წინ შექმნილი საბორნე ხაზები უკვე დიდი ხანია დამაჯერებლად უზრუნველყოფს უკრაინისთვის პირველ პოზიციებს შავი ზღვის ბაზარზე, აკავშირებს მნიშვნელოვან სავაჭრო პარტნიორებთან - თურქეთთან და საქართველოსთან, ამიერკავკასიასა და შუა აზიის რეგიონთან, უზრუნველყოფს ლოჯისტიკურ შესაძლებლობებს ყველა შავიზღვისპირა ქვეყნის ტვირთმფლობელებისა და მგზავრების დიდი ნაწილისთვის. საუკუნის მეოთხედის განმავლობაში, „უკრფერი“-ს ბორნების მიერ გადაყვანილია ნახევარ მილიონზე მეტი მგზავრი, ათეულობით მილიონი ტონა ტვირთი, ასიათასობით სატვირთო ავტომობილი, რკინიგზის ვაგონები, კონტეინერები და სხვადასხვა მგორავი ტექნიკა. კომპანიამ გახსნა ახალი საბორნე ხაზები და სანაპირო ტერმინალები სხვადასხვა ქვეყანაში, თანდათან განახლდა ფლოტის შემადგენლობა, დაინერგა თანამედროვე ტექნოლოგიები და შეიქმნა ახალი სამუშაო ადგილები. არაერთხელ, „უკრაფერი“-მ პატივით წარადგინა უკრაინა საერთაშორისო დონეზე, მონაწილეობდა ევროკავშირისა და გაეროს პროექტებში, საქმით გამოამჟღავნა მაღალი სოციალური პასუხისმგებლობა, მნიშვნელოვანი სოციალური და კულტურული ინიციატივების მხარდაჭერით. ყველასთვის რთულ 2020 წელს, კიდევ ერთხელ შეიძლება დავრწმუნდეთ კომპანიის მნიშვნელოვან როლში, როდესაც „უკრფერი“-ს ბორნები გახდა ერთადერთი შესაძლებლობა, რომ უკრაინის და რეგიონის სხვა ქვეყნების ათასობით მოქალაქე სამშობლოში დაბრუნებულიყო. ეს, უდავოდ, დიდი მიღწევებია, რაც საერთაშორისო პარტნიორებთან კომპანიის უმწიკვლო რეპუტაციის საფუძველი გახდა. „უკრფერი“-ს საინტერესო შეფასება მისცა ევროპის უმსხვილესი საბორნე კომპანიის DFDS Anders Refsgaard-ის ვიცე-პრეზიდენტმა: ”გემთმიმოსვლა ძალიან რთული და სარისკო საქმეა. სახაზო გემთმიმოსვლა კი ორმაგად. ამ საქმიანობაში ამდენ ხანს დარჩენას ცოტა თუ ახერხებს. ალბათ, ამ კომპანიის მთავარი თვისებაა - მისი საოცარი გამძლეობა ნებისმიერი არახელსაყრელი ფაქტორის წინაშე და გაშლილი სიტუაციური შესაძლებლობების მყისიერად გამოყენების უნარი. ჩვენ დიდად ვაფასებთ „უკრფერი“-სთან ჩვენს თანამშრომლობას.
კომპანია შედის თავის 26-ე წელიწადში რიგი ახალი პერსპექტიული პროექტებით. ერთ-ერთი მათგანის – თურქეთი - უკრაინა - პოლონეთისთვის Ро-Ро ტვირთებზე ინტერმოდალური სერვისის პრეზენტაცია გაიმართა რამდენიმე დღის წინ უკრაინა-პოლონეთის ეკონომიკურ ფორუმზე უკრაინისა და პოლონეთის პრეზიდენტების მონაწილეობით. კომპანიის ყურადღების ცენტრში, როგორც ყოველთვის, არამარტო კომერციული შემადგენელი, არამედ ეკოლოგიის შენარჩუნებისა და სატრანზიტო ინფრასტრუქტურის განვითარების საკითხებიცაა. უკრაინის სხვა წამყვან საზღვაო კომპანიებთან ერთად, „უკრფერი“ გამოვიდა, როგორც საზოგადოებრივი ორგანიზაცია „უკრაინის საზღვაო პალატის“ ერთ-ერთი დამფუძნებელი, რომელიც მოწოდებულია საზღვაო ინდუსტრიის ინტერესების დასაცავად და უკვე მოიპოვა ავტორიტეტი პროფესიონალებს შორის. სწორი იქნება, თუ ვიტყვით: „უკრფერი“ არის კერძო კომპანია, რომელშიც მუშაობენ ფართო სახელმწიფოებრივი აზროვნების მქონე ადამიანები. „უკრფერი“-ს წარმატება არის ოდესისა და უკრაინის წარმატება. ვუსურვოთ მათ ჯანმრთელობა და წარმატებები, ხოლო კომპანიას წარმატებული განვითარება და კეთილდღეობა!
